(得獎者公佈) jetsocome網站送Onlly限量版手機殼連掛繩5套 (至3/4)

a_cheerful_g

之前有個friend 唔知我中文名. 佢成日問我. 我都無講. 4月1日果日我收到個話係新世界電訊既電話. 話有個新plan offer 比我. 首先要核對d個人資料. 佢講完我電話. 叫我提供全名. 我講完之後. 佢即刻笑左出黎. 我就知咩事. 佢就係唔知我全名個friend. 真係

andywong

請問喺邊度留言玩哩個遊戲啊？每次拑link都嚟返呢度

kulowet

我試過收到網上留言有限量波鞋突然發售，即刻快衝出去專門店買，去到先知舖頭有告示唔會有發售，果一刻仲有唔同波鞋友一齊中招被人整古，令我印象深刻，因為我係搭的士趕出去架

andywong

有一年同學玩嘢，話不如愚人節玩交換禮物，返到學校個個都鬼鬼鼠鼠唔肯拎出來，臨放學嘅時候大家眼神勁古怪，最後終於交換禮物，有條友仔拎左一斤姜出來，又咁唔好彩俾我抽中，都唔知好嬲定好笑，書包已經勁重，成斤姜真係唔方唔愚人節啊！

ew1127

今年四月一個Best Friend話佢老婆大肚有左第一胎
我開心到即刻去買一大堆BB用品諗住同佢慶祝
點知今日同我講 愚人節 玩你JA.....

tiffany1314oo

朋友1/4打電話比我講佢買左樓，我恭喜佢，佢話你都買到啦。我喺度諗咩樓佢咁有信心我有能力買，原來佢係講緊衫褸啊！比佢激死！

Matt

每年的四月一日也會看見很多不同的假消息，不過很有趣

Kaririri

話說02年4月1個陣有個男仔同我表白，我梗係好愕然啦，講完就話係講笑，之後一路傾下電話，玩吓hkflash半年後就一齊咗到依家佢已經係我老公，生埋對孖女，哈哈

Hilary

有年1/4上朋友屋企，朋友見到我就話請我食Muffin，我攞左一個，諗住搣開佢細細舊咁食，但摵極都摵唔開，於是諗住就咁咬落去，我個朋友即刻阻止我仲猛咁笑，話d Muffin都係假既唔食得！仲祝我愚人節快樂！

圖為果個以假亂真的Muffin

Kathyfan728

果陣讀大學住hall, 3月31日收到同學係WhatsApp group話聽朝8點，聯福can飲茶，先到先攞位，以下打數字同名報名，咁我見成8個人報左名，我咪又打囉我係第9個。第一朝我7:45起身見有十個人報左名，咪行落聯福酒樓，去到，明顯佢地未到，我咪攞位囉，十人大枱，等左半粒鐘都係一個人都冇，再坐左15分鐘，即係共45分鐘，都係冇人，果下我就意識到係愚人節。 咁我見有hall友黎飲茶，咪叫佢地埋黎坐，自己就話上堂走先。真係好瘀，我幾個月冇去過聯福can。